انا عندى 35 سنة وكنت متعود ازور أقارب لى فى القاهرة وكان لهم بنت باعتبرها اختى الصغيرة . وفى مرة زرتهم متأخر واضطريت لممبيت عندهم . وانبهرت بكرمهم وبترابطهم عيلة واحدة مع انهم يعيشوا فى القاهرة ، لكن محافظين على تقاليد بلدنا . وكانت بنتهم غاية فى الأدب . قررت أخطبها . كلمت أبوها وهو ابن عمى فرحب بس لب أشاور امى وانه لو كان فيه نصيب انتظر لما البنت تتخرج من الجامعة . اتصلت بأمى وكلمتها وزعردت من الفرحة . وعملنا خطوبة ، وحددنا الجواز بعد سنة ونص لغاية لما تتخرج وألاقى شقة فى القاهرة . بقيت أزورهم ، والبنت تعلقت بى ، بس أنا حسيت انى تسرعت ، وبدأت أخفف من زياراتى ليهم ، وما أردش على تليفوناتها. وأنا عايز أفسخ الخطوبة بس متردد عشان الروابط العائلية ، ومن التفكير بقيت خايف يصيبنى اكتئاب ، وبقيت آخد دوا مهدىئ ، وخايف أتجوزها بحالتى دى أظلمها ، وخايف أفسخ الخطوبة وتبقى مشاكل . أعمل إيه ؟