حين كنت أعيش في شقة ابى في المنصورة كان هناك زميل دراسة لى في الشقة المقابلة ، وكنا أصدقاء ، كان ابوه موظف وكان ابويا تاجر عقارات ، واشترى ابويا لنا شقة تمليك في حى مدينة نصر بالقاهرة ، وخلصنا تعليم ، ومات ابوه وتوظّف في نفس وظيفة ابوه ، وتجوز اخوه الكبير في نفس شقتهم وبدأت مشاكل بينهم ، ولجئوا لابويا فابويا الله يرحمه قال ان زميلى يسكن في شقتنا القديمة مؤقتا لغاية لما يلاقى شقة ، ومات ابويا الله يرحمه ، وأنا سافرت أمريكا واستقريت فيها ، وبعت لى يقول ان الكهربا والمية اللى بيدفعها في شقتنا زودوها في مصر وان مرتبه لا يكفى ، قلت له ابعت له مساعدة شهرية تكفى الكهربا والميه . وداومت ابعت له مبلغ كل شهر . وآخر مرة نزلت فيها مصر جبت له هدايا له ولاولاده ومراته زى ما يكون واحد من عيلتنا. وبعدين جت كورونا والشغل عندنا وقف ، وطبعا مفيش حاجة ابعتها له . لقيته بيتصل بى على الماسينجر بيزعق لى ويتهمنى انى ما وفيتش بوعدى . الموضوع ده عصّبنى ورفع ضغطى . طبعا مستحيل أساعده حتى لو بقى عندى ملايين أمريكا كلها . ما رأيك يا دكتور ؟ الناس في مصر اتغيرت الى الأسوا .